Saturday, March 27, 2010
Si Palui : Sarik Dikiyau Kai
Di antara bubuhannya sapakawanan cuma Palui nang sudah batahun-tahun badahulu barumah tangga daripada nang lain. Makanya wayah anak Garbus wan Tulamak masih halus-halusan, inya sudah badahulu manimang cucu.
“Kalu Palui wajar haja tadahulu pada kita karna inya kawin karna kacalakaan,” ujar Garbus.
“Kukira Palui kada kawin tapaksa Bus ai karna inya bacintaan dan basasayangan jua,” ujar Tulamak.
“Tapaksa karna tatangkap basah,” ujar Garbus.
“Ooo… paharatan mandi di sungaikah maka tatangkap basah,” ujar Tulamak mangalakak tatawa karna paham.
“Napa nang bubuhan ikam panderakan itu kuanggap razaki karna kalu kada kaya itu pasti si Zaleha balaki ka lain, padahal aku sudah cinta karas,” sahut Palui malah manyukurinya.
“Napa suka dukanya sudah babini dan sudah baranakan Lui?” ujar Garbus.
“Sukanya wayah balum baranakan, siang malam barikit kaya kukang,” ujar Palui.
“Dukanya napa Lui?” ujar Tulamak.
“Dukanya adalah supan wan mintuha karna manyiksa anak sidin sampai bangkak manyambilan bulan,” ujar Palui.
“Kukira kada parlu supan Lui ai karna sidin pun dahulu kaya itu jua manyiksa bini sidin,” ujar Garbus.
“Imbah baranakan lalu bacucu ini ada lagi nang manyakitakan hatiku,” ujar Palui manambahi.
“Napa itu Lui?” ujar Tulamak.
“Imbah baranakan dan bacucu ini tiap malam biniku musti baucap ‘tapaksa aku guring bakumpul kayi’. Karna disambat bakumpul kayi itulah maka aku tasinggung. Kanapa maka inya bapadah bakumpul kayi, padahal inya saranjang sakaguringan wan aku. Gara-gara ucapannya itulah maka kami rancak bakalahi bahkan parak basarakan,” ujar Palui pina sarik karna tasinggung. “Untung haja mintuhaku paham dan lakas manangahi” ujar Palui.
“Kaya apa panyalasaiannya maka ikam kawa rukun lagi Lui?” ujar Garbus.
“Sakalinya salahku jua Bus ai. Aku nang kada paham Mak ai. Biniku itu bujur haja baucap bahwa inya guring wan kayi. Sakalinya nang disambatnya kayi itu bujur haja aku karna aku sudah bacucu, jadi aku adalah kayinya si cucu,” ujar Palui mangakui dikalahakan bininya.
“Ooo… paharatan mandi di sungaikah maka tatangkap basah,” ujar Tulamak mangalakak tatawa karna paham.
“Napa nang bubuhan ikam panderakan itu kuanggap razaki karna kalu kada kaya itu pasti si Zaleha balaki ka lain, padahal aku sudah cinta karas,” sahut Palui malah manyukurinya.
“Napa suka dukanya sudah babini dan sudah baranakan Lui?” ujar Garbus.
“Sukanya wayah balum baranakan, siang malam barikit kaya kukang,” ujar Palui.
“Dukanya napa Lui?” ujar Tulamak.
“Dukanya adalah supan wan mintuha karna manyiksa anak sidin sampai bangkak manyambilan bulan,” ujar Palui.
“Kukira kada parlu supan Lui ai karna sidin pun dahulu kaya itu jua manyiksa bini sidin,” ujar Garbus.
“Imbah baranakan lalu bacucu ini ada lagi nang manyakitakan hatiku,” ujar Palui manambahi.
“Napa itu Lui?” ujar Tulamak.
“Imbah baranakan dan bacucu ini tiap malam biniku musti baucap ‘tapaksa aku guring bakumpul kayi’. Karna disambat bakumpul kayi itulah maka aku tasinggung. Kanapa maka inya bapadah bakumpul kayi, padahal inya saranjang sakaguringan wan aku. Gara-gara ucapannya itulah maka kami rancak bakalahi bahkan parak basarakan,” ujar Palui pina sarik karna tasinggung. “Untung haja mintuhaku paham dan lakas manangahi” ujar Palui.
“Kaya apa panyalasaiannya maka ikam kawa rukun lagi Lui?” ujar Garbus.
“Sakalinya salahku jua Bus ai. Aku nang kada paham Mak ai. Biniku itu bujur haja baucap bahwa inya guring wan kayi. Sakalinya nang disambatnya kayi itu bujur haja aku karna aku sudah bacucu, jadi aku adalah kayinya si cucu,” ujar Palui mangakui dikalahakan bininya.
0 komentar:
Blog ini akan lebih "hidup" jika Anda Berkomentar....